5º Primaria

Ola de novo!! Que tal estades? Veña, que xa é outra semana menos para volver á normalidade.

Como foron as actividades da semana pasada? Aquí temos as desta.

-       Imos continuar coa actividade da semana pasada das tapas, pero esta vez imos escribir en elas ritmos (como vos amoso nas fotografías), primeiro tendes que adiviñar en que compás está a primeira imaxe fixándovos no ritmo que debuxei, despois tendes que crear os vosos ritmos tendo en conta que vos pido un ¾ ( en cada compás ten que haber tres pulsos):

-       Para repasar as figuras imos facer as seguintes sumas musicais, podedes coller as vosas tapas e facelo, ou debuxar as figuras que vos propoño. Por exemplo, se sumamos unha branca e unha negra temos 3, porque a branca vale 2 pulsos e a negra 1.

-       Seguimos coa canción “Bim bam bi-ri” e “Kokoleokó”, xa vos saen? Se é así, avisádeme e cambiamos xa de cancións. Podedes mandarme vídeos facéndoas e así eu sei se podemos continuar.

-       E por último, como esta semana celebraríamos o Día do Libro, déixovos a canción que realizaríamos todos xuntos, cando volvamos ao colexio a faremos.

Unha aperta moi grande!! Espero volver a estar con vós pronto!!!